Neng Dayang Azul1
Gerero ning lipi kambe nang Soliman
Mibwal at ginato alwa ning Bangkusay;
Metung yang “MAPUTI” pete re king Mactan,
Laksang-libung kawal—mesawi, Bataan;
Ing makipasari, ya ing katrayduran—
A pamaglusub ding – bakukak a Sakang!
Amidst the cruelty, amidst the adversity
Patriots of Pampanga bowed not their gallantry!
Jose Abad Santos the Jap’s flag faced death fearlessly!
Didn’t salute the Jap’s flag – faced death fearlessly
To the weeping Pepito he said “Come my son, listen to me,
Death with honor is sweet than life in ignomyny!”
Walang saysay ang mabuhay sa ibabaw nitong lupa
Kung tayo ay api naman at aliping walang laya,
Mabuti pa ang pumanaw, ang mamatay, mamayapa
Kaysa tayo’y busabusin ng kung sino mang banyaga;
Sa’yo Jose Abad Santos, Fernandinong dinakila
Alay mong kabayanihan…, tataglayin nitong bansa,
At kanita sinabi na king anak na pakamalan:
“Eka kikyak, ipakit mu, king balen ta ing tetagan;
Wari’t iti ya nang kalma- ing mate ku king balayan
Para kaku, sari sampat … at bihirang kamatayan!”
Saka ra no pikawaning ena mikit kapilan man
Uling itang suging Ibpa – tulandung ne king kutkutan!
O bayaning Abad Santos, kapilan man e miwale
Ing depat mung kabayanyan at ing lugud mung dalise,
Karing pusu ding komanggi magyamut at mangulate
Ing pakamal a tenam mung… sakdal yumu, sakdal tibe;
Angat ating aldo saslag karing parang at marangle
Purian miya ing lagyu mung… ena mapda ena mate!!
1 Migale ya ketang 65th Anibersaryu ning Pangamate nang Jose Abad Santos ketang a-7 ning Mayu 2007
Sunday, February 7, 2010
NINU Y DON PEDRO ABAD SANTOS?
Neng Felix M. Garcia
Ninung e makakila kang Don Pedro Abad Santos
A kabilang karing liping king tepangan mipabantug?
At mas biryan na pa keta ing bie maybug mate danup
Kesa king timawang bili a kemulatan nang lubus;
King ba’na mu sang apatpat ing sistemang e makatud
A mengibabo kanita king gamat ding asinderus;
Keta a nung insanu ring king marangle e patugut
Ilang alang ‘yuling pale keng bale neng papalut!
Makanano, kulang namu, ing e ra ngan solwan keta
Ding ganid a propetaryu, itang pupul king gabun da;
At pablasang ma-prinsipyung tau ketang panawun na
Ing land reform”, ditak-ditak pinla na nekanita pa;
Pati social justice program ning Presidente kanita,
E na pitakutan niting pinintas arap ning masa;
Pikanlapang de I Perico Central Luzon ding makwalta,
Uli na ning ukulan da iti suksuk ya karela.
Pablasang mibait ya man king dase ning kayatinan,
I Don Pedro simpli yamu at alang dit mang ketasan
Kaya ding pakakalulu, ilang dapat munang sawpan
At sukat nang ipagluwalu, laban king e karampatan;
Nung inyasa’t keti Central Luzon iya ing mitaguryan,
“Champion of the Peasants” ngara at peka-founder na bilang
Ning “Socialist Party.of the Philippines king kabilugan.
Bilang abogadu, e la ditak kilub ning aldoldo
Ding kalulung ortelanu pasawup kang Don Pedro
Karin, a nu ding kasawup na, lima lang abugadu,
Dapot libri mu ing serbisyung pagkalub na karing tau;
Misan,’ya pang babye kwalta ban asawpan na lang ustu
Detang alang pilisunan king kalukan a masolu;
At keta nung ating datang a mamitbit sa’ng rigalu,
King keraklan king magdala, ipauli naming pihu.
I Do Pedro makanyan ya kasampata a pilubluban
At e ya migkait sawup kenu pamang mengaylangan;
Nung inya king meginh bie na wa man e ibat king kalukan,
Biryan na pa king pakakalulu mu miglayunan;
Kabang king Balen Minalin niti sindu ing kimutan
A belangkas deti laban king e ustung kalakaran;
Angga na king iting labor leader taya misalunan,
At isuku na ing sabla king Ginung Dios a miglalalng
Ninung e makakila kang Don Pedro Abad Santos
A kabilang karing liping king tepangan mipabantug?
At mas biryan na pa keta ing bie maybug mate danup
Kesa king timawang bili a kemulatan nang lubus;
King ba’na mu sang apatpat ing sistemang e makatud
A mengibabo kanita king gamat ding asinderus;
Keta a nung insanu ring king marangle e patugut
Ilang alang ‘yuling pale keng bale neng papalut!
Makanano, kulang namu, ing e ra ngan solwan keta
Ding ganid a propetaryu, itang pupul king gabun da;
At pablasang ma-prinsipyung tau ketang panawun na
Ing land reform”, ditak-ditak pinla na nekanita pa;
Pati social justice program ning Presidente kanita,
E na pitakutan niting pinintas arap ning masa;
Pikanlapang de I Perico Central Luzon ding makwalta,
Uli na ning ukulan da iti suksuk ya karela.
Pablasang mibait ya man king dase ning kayatinan,
I Don Pedro simpli yamu at alang dit mang ketasan
Kaya ding pakakalulu, ilang dapat munang sawpan
At sukat nang ipagluwalu, laban king e karampatan;
Nung inyasa’t keti Central Luzon iya ing mitaguryan,
“Champion of the Peasants” ngara at peka-founder na bilang
Ning “Socialist Party.of the Philippines king kabilugan.
Bilang abogadu, e la ditak kilub ning aldoldo
Ding kalulung ortelanu pasawup kang Don Pedro
Karin, a nu ding kasawup na, lima lang abugadu,
Dapot libri mu ing serbisyung pagkalub na karing tau;
Misan,’ya pang babye kwalta ban asawpan na lang ustu
Detang alang pilisunan king kalukan a masolu;
At keta nung ating datang a mamitbit sa’ng rigalu,
King keraklan king magdala, ipauli naming pihu.
I Do Pedro makanyan ya kasampata a pilubluban
At e ya migkait sawup kenu pamang mengaylangan;
Nung inya king meginh bie na wa man e ibat king kalukan,
Biryan na pa king pakakalulu mu miglayunan;
Kabang king Balen Minalin niti sindu ing kimutan
A belangkas deti laban king e ustung kalakaran;
Angga na king iting labor leader taya misalunan,
At isuku na ing sabla king Ginung Dios a miglalalng
Kaluwiran ning Lalawigang Kapampangan Makyuad nang kasalesayan ning Lungsud San Fernando
Neng Adrian Lee G. Magcalas
Nanu ing kagalangang makaparikil king salukuyang Syudad ning San Fernando? Nanu ing kasalesayang manalumpakan king keyang porma bilang sentru ning balen Kapampangan? Nanu la ring kilalanang konsiderasyun king pangaputung ng korona bilang capital of Pampanga king nung ganakan maygit nang dinalan a banwa ing milabas?
Ing Bacolor at San Fernando
King kaburyang kulkulan ing milabas, muna yang balikan king istorya ing Bacolor - ing dating Provincia Capital ning Pampanga megumpisa anyang banuang 1755, mibayit kalabas ning dinalan walumpulu’t apat (184 years) a banwang pangalalang ning Balen Kapampangan a kanitang panawun, pauli na naman ning bansang Spain. Kalabas na kanita ning pitung banwa, panawun ning pamanyakup ning bansang British, ing Bacolor megin yang National Capital ning mabilug a bansang Pilipinas (1762-1765) - karangalang alang dudang matikdi nang bibitbitan ning mesabing lugal.
Dagdag ra pa ding aliwang talasaliksik king istorya, king karelang teorya ing Bacolor bayu yapa meging kapital ning makasaysayang balen, gagampanan nana niti ing panga-sentru na king e pormal a setting kayantabe ing Mexico at Guagua - nung nu atyu murin ring mapilan a pamprobinsyang opisina a mamye karampatang transakyun kareng Kapampangan.
Pamaglipat ning Kapitolyu
Megumpisa ing kasalesayan ning pamagkapilit ilipat ing luklukang gubyernung pangprobinsyal king San Fernando keta pang banwang 1852. King bulan ning Agostu ning banwang ita, ing alcalde mayor (yayaus kareng Gobernador kanita), miglatag yang proposal ning pamaglipat nung nu ing Ari ning Spain yang menapruba gamit ing real cedula makapetsang a-11 ning Siptyembri, banwang 1881. Dapot sumangid ning pabor at suportang ayta, e meganap ing pamaglipat.
Anyang milukluk ya bilang ibpa ning balen Kapampangan i Macario Arnedo (tubung Apalit) banwang 1904, binayu ne ing laman ning proposal - pinuntu ne ing ulaga ning San Fernando bilang pekamaragul kanitang lugal ning balen at most strategic town of Pampanga, iyabe pa ing importansya ning Manila-Dagupan railroad a magagamit papuntang Menila at aliwa pang lugal ning Luzon. Antimurin, i John A. Larkin, sinulat king librung The Pampangans, simpulungan ne ing ekonomyang konsiderasyun king pamaglipat kapital ning probinsya. Para kaya, gagampanan na ning San Fernando ing maulagang transaksyun king ekonomya king saup ning mesabing railroad a magpabilis king pamangalakal kareng aliwang lugal parting norti (pangulu) kalupa keta king kabiserang Tarlac nung nu atyu ing malwalas a sugar region.
Pauli na nita, ing dating Gobernador Ceferino Joven (tubung Bacolor) at ring mapilan a prominenteng manuknangan king Bacolor matni reng titulan ing aksyun nang Gob. Arnedo. Makanyan man, ela menagumpe uling linwal ne ing approval ibat king Philippine Commission. King pangapirma na at pangasabatas ning Act No. 1204 a atin layung amiyendan ing dating Act No. 85, meging opisyal yang Capital of Pampanga ing San Fernando, a-15 na kanita ning Agostu, banwang 1904. King anunsyu nang Gob. Arnedo, ela masyadung migkasakit king pamaglipat papunta king atlung milyang laut ning San Fernando ibat king Bacolor uling sari dakal a boluntaryung saup ibat kareng marakal a munisipyu para king transportasyun da reng gamit opisina. At uling ala pang lugal king San Fernando kanita para kareng karinan da reng egana-ganang opisinang pamprobinsyal, migdisisyun la ring manungkulan para manupa pamung lugal para kareti. At king banwa muring ita, bilang pamagpakilala king bayung sentru ning lalawigan, migbisita la ri US Secretary of War William Howard Taft at Alice Roosevelt, anak ning Presidenti Theodore Roosevelt.
Pamaglwid ning lungsud
Magumpisa kanita, miyaliwang tanda ning progresu ning bayung sentru ning balen ing meganap - megumpisa ing pamangawa kareng 27 artesian wells kabilugan San Fernando (1908); mitalakad palengking pampubliku (1909); megumpisa ing operasyun ning PASUDECO o Pampanga Sugar Development Corporation (1921); megawa ing SFELAPCO o San Fernando Light and Power Company (1927); mig-operate ya ing PAMBUSCO o Pampanga Bus Company (1928); pamangawa king kongkretu ning San Fernando River Bridge na dating mayayaus Puente Colgante (1930); Mibusni king publiku ing Pampanga Provincial Hospital (1931) na kilala ngeni bilang Jose B. Lingad (JBL) Memorial Regional Hospital.
Antimurin, king kebalwan tamu kareng legwan daring parul Kapampangan, meganap kanita ing mumunang diling Ligligan Parul (Lantern Festival) pauli ning pamangilala kang Presidenti Manuel L. Quezon. Minantabe kanita king pamamye premyu kareng minyambut a galal ing Guest of Honor Doña Aurora Aragon Quezon (1938); mibuklat ya naman ing Pampanga Convention Center at Sports Complex (1989) na mayayaus ngeni bilang Bren Z. Guiao Complex; ing mumunang diling Christmas Village king Asya mibusni ya king pamanimuna ning Presidenti Cory Aquino (1990) na ngeni ‘yapin ing Hilaga na dating bulalag king bansag a Paskuhan Village.
Lakanbalen Kapampangan
Sumangid da reng tanda ning mesabing progresu, makalingwan wari ing mikatkat na king isipang meganap a Death March banwang 1942 nung nu dakal a libung Filipinu ing miglakad king Bataan papunta king San Fernando train station? At ninu ing e makaganaka king banwang 1991 nung nu ing lahar ibat king Bunduk Pinatubu alang pakundangang menalasa kareng dakal a kalulugalan da ring balen Kapampangan? Dapot makanyan man, ing pamisanmetung da ring Kapampangan king kasawpan ning sentru ning balen ikwa rang miabe-abe ring miyayaliwang barrio at barangay kareng resettlement at aliwa pang lugal.
King pamagpursigi ning lungsud king proyektu nang “Breaking Financial Barriers” menikwa yang titulu’t karangalan bilang Galing Pook Award banwang 1999. At ngening salukuyan, nung kutnan ring Kapampangan king pangakilala ra king Lungsud San Fernando, matwa yaman o anak, ding mall ning SM at Robinson’s mapalyaring ilang mumuna rang ipakibat inya balu re ing San Fernando, balu re mu naman mekad ing magaganap banwa-banwang kabalitan a Sinukwan Festival na megumpisa ketang banwang 1998 at ing Giant Lantern Festival na metung nang pamosung king panginternasyonal anya anti y among mas makayamang piyalben neng daratang ne ing bulan ning Pasku. Nanu man ing karelang ipakibat, malalam pa kareta ing tune nang kasalesayan ning lungsud a dapat mung balikdan at dinan masampat a pamanalala uling parti ne ning maulagang milabas ning mabilug a balen Kapampangan!
Nanu ing kagalangang makaparikil king salukuyang Syudad ning San Fernando? Nanu ing kasalesayang manalumpakan king keyang porma bilang sentru ning balen Kapampangan? Nanu la ring kilalanang konsiderasyun king pangaputung ng korona bilang capital of Pampanga king nung ganakan maygit nang dinalan a banwa ing milabas?
Ing Bacolor at San Fernando
King kaburyang kulkulan ing milabas, muna yang balikan king istorya ing Bacolor - ing dating Provincia Capital ning Pampanga megumpisa anyang banuang 1755, mibayit kalabas ning dinalan walumpulu’t apat (184 years) a banwang pangalalang ning Balen Kapampangan a kanitang panawun, pauli na naman ning bansang Spain. Kalabas na kanita ning pitung banwa, panawun ning pamanyakup ning bansang British, ing Bacolor megin yang National Capital ning mabilug a bansang Pilipinas (1762-1765) - karangalang alang dudang matikdi nang bibitbitan ning mesabing lugal.
Dagdag ra pa ding aliwang talasaliksik king istorya, king karelang teorya ing Bacolor bayu yapa meging kapital ning makasaysayang balen, gagampanan nana niti ing panga-sentru na king e pormal a setting kayantabe ing Mexico at Guagua - nung nu atyu murin ring mapilan a pamprobinsyang opisina a mamye karampatang transakyun kareng Kapampangan.
Pamaglipat ning Kapitolyu
Megumpisa ing kasalesayan ning pamagkapilit ilipat ing luklukang gubyernung pangprobinsyal king San Fernando keta pang banwang 1852. King bulan ning Agostu ning banwang ita, ing alcalde mayor (yayaus kareng Gobernador kanita), miglatag yang proposal ning pamaglipat nung nu ing Ari ning Spain yang menapruba gamit ing real cedula makapetsang a-11 ning Siptyembri, banwang 1881. Dapot sumangid ning pabor at suportang ayta, e meganap ing pamaglipat.
Anyang milukluk ya bilang ibpa ning balen Kapampangan i Macario Arnedo (tubung Apalit) banwang 1904, binayu ne ing laman ning proposal - pinuntu ne ing ulaga ning San Fernando bilang pekamaragul kanitang lugal ning balen at most strategic town of Pampanga, iyabe pa ing importansya ning Manila-Dagupan railroad a magagamit papuntang Menila at aliwa pang lugal ning Luzon. Antimurin, i John A. Larkin, sinulat king librung The Pampangans, simpulungan ne ing ekonomyang konsiderasyun king pamaglipat kapital ning probinsya. Para kaya, gagampanan na ning San Fernando ing maulagang transaksyun king ekonomya king saup ning mesabing railroad a magpabilis king pamangalakal kareng aliwang lugal parting norti (pangulu) kalupa keta king kabiserang Tarlac nung nu atyu ing malwalas a sugar region.
Pauli na nita, ing dating Gobernador Ceferino Joven (tubung Bacolor) at ring mapilan a prominenteng manuknangan king Bacolor matni reng titulan ing aksyun nang Gob. Arnedo. Makanyan man, ela menagumpe uling linwal ne ing approval ibat king Philippine Commission. King pangapirma na at pangasabatas ning Act No. 1204 a atin layung amiyendan ing dating Act No. 85, meging opisyal yang Capital of Pampanga ing San Fernando, a-15 na kanita ning Agostu, banwang 1904. King anunsyu nang Gob. Arnedo, ela masyadung migkasakit king pamaglipat papunta king atlung milyang laut ning San Fernando ibat king Bacolor uling sari dakal a boluntaryung saup ibat kareng marakal a munisipyu para king transportasyun da reng gamit opisina. At uling ala pang lugal king San Fernando kanita para kareng karinan da reng egana-ganang opisinang pamprobinsyal, migdisisyun la ring manungkulan para manupa pamung lugal para kareti. At king banwa muring ita, bilang pamagpakilala king bayung sentru ning lalawigan, migbisita la ri US Secretary of War William Howard Taft at Alice Roosevelt, anak ning Presidenti Theodore Roosevelt.
Pamaglwid ning lungsud
Magumpisa kanita, miyaliwang tanda ning progresu ning bayung sentru ning balen ing meganap - megumpisa ing pamangawa kareng 27 artesian wells kabilugan San Fernando (1908); mitalakad palengking pampubliku (1909); megumpisa ing operasyun ning PASUDECO o Pampanga Sugar Development Corporation (1921); megawa ing SFELAPCO o San Fernando Light and Power Company (1927); mig-operate ya ing PAMBUSCO o Pampanga Bus Company (1928); pamangawa king kongkretu ning San Fernando River Bridge na dating mayayaus Puente Colgante (1930); Mibusni king publiku ing Pampanga Provincial Hospital (1931) na kilala ngeni bilang Jose B. Lingad (JBL) Memorial Regional Hospital.
Antimurin, king kebalwan tamu kareng legwan daring parul Kapampangan, meganap kanita ing mumunang diling Ligligan Parul (Lantern Festival) pauli ning pamangilala kang Presidenti Manuel L. Quezon. Minantabe kanita king pamamye premyu kareng minyambut a galal ing Guest of Honor Doña Aurora Aragon Quezon (1938); mibuklat ya naman ing Pampanga Convention Center at Sports Complex (1989) na mayayaus ngeni bilang Bren Z. Guiao Complex; ing mumunang diling Christmas Village king Asya mibusni ya king pamanimuna ning Presidenti Cory Aquino (1990) na ngeni ‘yapin ing Hilaga na dating bulalag king bansag a Paskuhan Village.
Lakanbalen Kapampangan
Sumangid da reng tanda ning mesabing progresu, makalingwan wari ing mikatkat na king isipang meganap a Death March banwang 1942 nung nu dakal a libung Filipinu ing miglakad king Bataan papunta king San Fernando train station? At ninu ing e makaganaka king banwang 1991 nung nu ing lahar ibat king Bunduk Pinatubu alang pakundangang menalasa kareng dakal a kalulugalan da ring balen Kapampangan? Dapot makanyan man, ing pamisanmetung da ring Kapampangan king kasawpan ning sentru ning balen ikwa rang miabe-abe ring miyayaliwang barrio at barangay kareng resettlement at aliwa pang lugal.
King pamagpursigi ning lungsud king proyektu nang “Breaking Financial Barriers” menikwa yang titulu’t karangalan bilang Galing Pook Award banwang 1999. At ngening salukuyan, nung kutnan ring Kapampangan king pangakilala ra king Lungsud San Fernando, matwa yaman o anak, ding mall ning SM at Robinson’s mapalyaring ilang mumuna rang ipakibat inya balu re ing San Fernando, balu re mu naman mekad ing magaganap banwa-banwang kabalitan a Sinukwan Festival na megumpisa ketang banwang 1998 at ing Giant Lantern Festival na metung nang pamosung king panginternasyonal anya anti y among mas makayamang piyalben neng daratang ne ing bulan ning Pasku. Nanu man ing karelang ipakibat, malalam pa kareta ing tune nang kasalesayan ning lungsud a dapat mung balikdan at dinan masampat a pamanalala uling parti ne ning maulagang milabas ning mabilug a balen Kapampangan!
PAMANDALO NANG RIZAL KING SAN FERNANDO
Neng Francisco M. Guinto
July 19, 2008
San Fernandong tibwan; ding supling mu’t daya
Ing lugud king balen king puso e mapda,
Dit man e peylupig ibat pa king mula
Laban karing daywan- a ‘lilung Kastila;
Panasbuk at pluma alang makasila
Sasyo alang kanglap… ba ’ta mung milaya!
Mumuna kareti—ila ding Hilario
Tubu Bo. San Juan tulid PASUDECO
Ing bale rang matwa yari ya keng bato
Adwa yang palapag matibe’t kongkreto;
Ketang balkonahe karin mipagkwento
Adwang mikapatad—Cecilio’t Tiburcio.
Samantala naman, ating istranghero
King istasyun ning tren keti San Fernando,
Ing aske na’t piblas marangal yang tao
At kayang pangutang bale ding Hilario;
Itang mamasada a matwang kutsero
Agad neng inatad… itang pasahero.
Inyang dalakit ne king tete linipat
Ing taong magsarya layun yang linakad,
Karas na king eran, linakbang, minukyat
Ngana: “Aku’y Rizal”—minyabing memasyag;
Ding mipagsalitang adwang mikapatad
Agyang mebigla la---seganan deng agad!
Ipagmaragul da ing kayang panyatang
At iti tinggen dang antimong dangalan,
Kaybat ning masaya a kapagmananwan
Biklat da’ng problema—ning Indung Balayan;
Pulyetos at aklat inggil keng “kimutan”
Kareng mikapatad…, miglakwan ya’y Rizal.
Dapot y Despujol, ‘tin yang direktiba
Pabante nong lubus,-- lubus nong pagwardia
Batangas, Laguna, Cavite’t Pampanga
Lalo na reng bale…, Rizal delawan na;
Dekap dong Hilario—mesukul, migdusa
Kerakpan lang librong gamit propaganda!
Kaybat nang miugse Rizal king Dapitan
Ding adwang Hilario peyaus da no man,
Nasa ring Kastila karelang patutwan
Rizal yang pekapun, managyag labanan;
Dapot di Tiburcio ero apatukyan
Ere penganyaya--- ing bayaning Rizal.
Dayang Kapampangan, king uyat mamagus
E ‘biasang duruku, ing bie man makatakmus,
Buryan da pang mate emu mabusabus
Ing dangal da’t puri king siwal migapus;
Nuwan lang Fernandino, pupugayang lubus
Tepangan da’t lugud--- keng laya menatbus!!
July 19, 2008
San Fernandong tibwan; ding supling mu’t daya
Ing lugud king balen king puso e mapda,
Dit man e peylupig ibat pa king mula
Laban karing daywan- a ‘lilung Kastila;
Panasbuk at pluma alang makasila
Sasyo alang kanglap… ba ’ta mung milaya!
Mumuna kareti—ila ding Hilario
Tubu Bo. San Juan tulid PASUDECO
Ing bale rang matwa yari ya keng bato
Adwa yang palapag matibe’t kongkreto;
Ketang balkonahe karin mipagkwento
Adwang mikapatad—Cecilio’t Tiburcio.
Samantala naman, ating istranghero
King istasyun ning tren keti San Fernando,
Ing aske na’t piblas marangal yang tao
At kayang pangutang bale ding Hilario;
Itang mamasada a matwang kutsero
Agad neng inatad… itang pasahero.
Inyang dalakit ne king tete linipat
Ing taong magsarya layun yang linakad,
Karas na king eran, linakbang, minukyat
Ngana: “Aku’y Rizal”—minyabing memasyag;
Ding mipagsalitang adwang mikapatad
Agyang mebigla la---seganan deng agad!
Ipagmaragul da ing kayang panyatang
At iti tinggen dang antimong dangalan,
Kaybat ning masaya a kapagmananwan
Biklat da’ng problema—ning Indung Balayan;
Pulyetos at aklat inggil keng “kimutan”
Kareng mikapatad…, miglakwan ya’y Rizal.
Dapot y Despujol, ‘tin yang direktiba
Pabante nong lubus,-- lubus nong pagwardia
Batangas, Laguna, Cavite’t Pampanga
Lalo na reng bale…, Rizal delawan na;
Dekap dong Hilario—mesukul, migdusa
Kerakpan lang librong gamit propaganda!
Kaybat nang miugse Rizal king Dapitan
Ding adwang Hilario peyaus da no man,
Nasa ring Kastila karelang patutwan
Rizal yang pekapun, managyag labanan;
Dapot di Tiburcio ero apatukyan
Ere penganyaya--- ing bayaning Rizal.
Dayang Kapampangan, king uyat mamagus
E ‘biasang duruku, ing bie man makatakmus,
Buryan da pang mate emu mabusabus
Ing dangal da’t puri king siwal migapus;
Nuwan lang Fernandino, pupugayang lubus
Tepangan da’t lugud--- keng laya menatbus!!
KADINALANG ALDO PAMAMUNTUKAN
Mayor Oca’s 100th day of assumption of office)
Neng Francisco M. Guinto
Pabustan me Indung Balen, magdalit ya at magsunis
Ining maluka mung Watas karing rima nang IGULIS,
Tagimpan nang pagdulapan tumula kang e’ TATANGIS
At rnisale kareng ROSAS, at TUMAYLANG sari lambis;
‘Limbang naka ban SAGAKGAK ban ‘waglit ing KALMANG YAWIS
Kayantabe ning LINGAP nang..., MAYOR OSCAR S. RODRIGUEZ!
Agyang maplas mang tanggapan, dapot katutuan ya iti
Itang report naning COA ‘niang Fiscal year 2003,
Linto atm yang “deficit”, San Fernando yang melugi
Uling “over” ya ing EXPENSE.., keng INCOME na ning TREASURY;
Karing labing-aduang syudad sasakupa’ning Region III
Manimuna ta keng RANKING.., umpisan me, ketang TAWLI!
Makanyan keng sasaludwan, bayung MAYOR SN. FERNANDO
Keng masugid nang KAGIWAN, ing TUNE yang CABALLERO,
MENIGOBRANG ALANG BULAD - BAN IBAWI ne’t ITIKDO -
ITING SYUDAD; ‘GYANG DISAN NE: ING KABAN na, ‘LA NENG PONDO;
Inia ken na pakilala, ing PUSO nang FERNANDINO
BUYUT na ing IBANGUN ne.., iting SYUDAD, ban MITIGKO!
Keting KADINALANG-ALDO, pamanlukluk fling ALKALDE
Mepiblas ya iting SYUDAD, MELAGU YANG KAYANG ASKE,
SERBISYO at DISIPLINA mipairal masalese
Ban ding “IPUS ning PUBLICO” magobra lang pante—lawe;
Memantini’ng PEACE & ORDER KAPAYAPAN managumpe
MALILINIS, MAPAPAI.IS.., ing BASURANG, UGSE-UGSE.
Metung karing proyckto na PALAL \M ne pang PAKLJLKU
At PALUALAS itang ILOG ban magus ing kayang danum,
Katunayan MIGMULA na ing OI3RA keng PAMANAUN
Ban MAYASWAL, MANGAE3AGUT.., ing DINAT a PAKATABUN;
Ban mibalik pasibayu sadyang USU ketang napun
PAMAMANGKA anggang GUAGUA.., BABAKSE kang misnang datun!
Maka-planu neng pagawa, PALENKENG ADWANG PALAPAG
Ban ing SYUDAD at MEMALEN, panakitan da miragdag,
Maki-dalan yang KONGKRETU detang SAKEN bang MIUKYAT
Mabandi man at kalulu MAAGYAG lang alang kanglap;
Iti metung nang paninap at MASAGID nang pigagap
Ban MITAS ING KAYANG Income.., ning pakamalan tamung SYUDAD
Ing masampat na pang NASA, PALWALAS ne’ng MATADERU
Ding malapit tang KASIPING, ban layun lang MAINGGANYU,
Ding BABI na ampon BAKA keti na la mapulkeru
iti sawup babye obra.., emu karing FERNANDINU;
Keng SASALWAN tamung karne kanita ta makapihu
Tiyak ala nang “double-dead” — libre ta na keng peligru.
Pekamatas ya ulaga, ing tawli kung SAGLAWAYAN
Karing NASA nang OSR, king panyulung ning BALAYAN,
Babalik ne ing UGALING sadya tamung kemulatan
BABANGUN ne’t PALABUNGAN.., ing KULTURANG KAPAMPANGAN;
Pamamadwas karing TUGAK a ngeni ta atangalan
At meramdam ing POESIA, ing BASULTO at CRISSOTAN;
Inia king uli na niti, makanyan keng pupugayan
MAYOR OSCAR S. RODRIGUEZ - malugud king, INDUNG TIBWAN!!!
Neng Francisco M. Guinto
Pabustan me Indung Balen, magdalit ya at magsunis
Ining maluka mung Watas karing rima nang IGULIS,
Tagimpan nang pagdulapan tumula kang e’ TATANGIS
At rnisale kareng ROSAS, at TUMAYLANG sari lambis;
‘Limbang naka ban SAGAKGAK ban ‘waglit ing KALMANG YAWIS
Kayantabe ning LINGAP nang..., MAYOR OSCAR S. RODRIGUEZ!
Agyang maplas mang tanggapan, dapot katutuan ya iti
Itang report naning COA ‘niang Fiscal year 2003,
Linto atm yang “deficit”, San Fernando yang melugi
Uling “over” ya ing EXPENSE.., keng INCOME na ning TREASURY;
Karing labing-aduang syudad sasakupa’ning Region III
Manimuna ta keng RANKING.., umpisan me, ketang TAWLI!
Makanyan keng sasaludwan, bayung MAYOR SN. FERNANDO
Keng masugid nang KAGIWAN, ing TUNE yang CABALLERO,
MENIGOBRANG ALANG BULAD - BAN IBAWI ne’t ITIKDO -
ITING SYUDAD; ‘GYANG DISAN NE: ING KABAN na, ‘LA NENG PONDO;
Inia ken na pakilala, ing PUSO nang FERNANDINO
BUYUT na ing IBANGUN ne.., iting SYUDAD, ban MITIGKO!
Keting KADINALANG-ALDO, pamanlukluk fling ALKALDE
Mepiblas ya iting SYUDAD, MELAGU YANG KAYANG ASKE,
SERBISYO at DISIPLINA mipairal masalese
Ban ding “IPUS ning PUBLICO” magobra lang pante—lawe;
Memantini’ng PEACE & ORDER KAPAYAPAN managumpe
MALILINIS, MAPAPAI.IS.., ing BASURANG, UGSE-UGSE.
Metung karing proyckto na PALAL \M ne pang PAKLJLKU
At PALUALAS itang ILOG ban magus ing kayang danum,
Katunayan MIGMULA na ing OI3RA keng PAMANAUN
Ban MAYASWAL, MANGAE3AGUT.., ing DINAT a PAKATABUN;
Ban mibalik pasibayu sadyang USU ketang napun
PAMAMANGKA anggang GUAGUA.., BABAKSE kang misnang datun!
Maka-planu neng pagawa, PALENKENG ADWANG PALAPAG
Ban ing SYUDAD at MEMALEN, panakitan da miragdag,
Maki-dalan yang KONGKRETU detang SAKEN bang MIUKYAT
Mabandi man at kalulu MAAGYAG lang alang kanglap;
Iti metung nang paninap at MASAGID nang pigagap
Ban MITAS ING KAYANG Income.., ning pakamalan tamung SYUDAD
Ing masampat na pang NASA, PALWALAS ne’ng MATADERU
Ding malapit tang KASIPING, ban layun lang MAINGGANYU,
Ding BABI na ampon BAKA keti na la mapulkeru
iti sawup babye obra.., emu karing FERNANDINU;
Keng SASALWAN tamung karne kanita ta makapihu
Tiyak ala nang “double-dead” — libre ta na keng peligru.
Pekamatas ya ulaga, ing tawli kung SAGLAWAYAN
Karing NASA nang OSR, king panyulung ning BALAYAN,
Babalik ne ing UGALING sadya tamung kemulatan
BABANGUN ne’t PALABUNGAN.., ing KULTURANG KAPAMPANGAN;
Pamamadwas karing TUGAK a ngeni ta atangalan
At meramdam ing POESIA, ing BASULTO at CRISSOTAN;
Inia king uli na niti, makanyan keng pupugayan
MAYOR OSCAR S. RODRIGUEZ - malugud king, INDUNG TIBWAN!!!
NICOLASA P. DAYRIT
Ing Patriotang Fernandina
Neng Francisco M. Guinto
Siptyembri 10, 2005
The glorious date, September 10, eighteen hundred seventy four
Ushered the birth of an infant who crowned her town priceless honor,
She was a Florence Nightingale to our comrades in rebellion
She sewed and embroidered the flag of the Pampango Battalion;
As heroes’ blood reigned in her vein she bravely risked her noble soul
To win our independence from the cruel hands of oppressor;
Nicolasa Dayrit would smile to this sacred celebration
If she were only alive today... the heroine whom we adore!
At pablasang lug lipi ra, sapni’t dayang ilustrada
Meragul yang makawili at uliran lug asal na,
Piyanista ya’t migkolehiyu meging “mujer educada”
Pagmaragul ne’t dangalan ding dalagang Fernandina;
Pamaglingap nang gerero at kabas nang Tandang Sora
Seludwan de’t kinwang myembru na ning Junta Patriotica!
Nganang Rizal; “Eya dapat maging Indu ing babai
Nung turwan nyang kamangmangan ing bunsu nang meging suli
At ipande ne pamisip, kareng sermon da ring Prayle
Ba’ya kanung miras king Dios king bie’t aldo bandang tawli;
Paragulan neng mulala ‘lan respetu king sarili
At “masa1ang-matang-bu1ag” kimi, dungu, mataloti!
“Metung a Indung Spartan ya ing dapat tang apusan
Lalu potang mayaus ya ing supling na king labanan,
E ne salikut king saya na nune kusa neng palakwan
Ban kaya yang ipaglwalu... ing karelang Indung Tibwan;
At e bala nung mete ya iti e ne man tangisan
Basta’t ilang mig-victoria... king lagyu ning lamutakan!”
Iyan ang payo ni Rizal minsan noon sa Malolos
Sa mga kababaihan sa kanya ay nakatanghod
Ngunit dito sa Pampanga, dapat lamang niyang matalos
Mga dilag, matatapang, matalino’t takot sa Diyos;
Piping saksi ay si Dayrit kailanma’y di malilimot
Kabayanihang alay niya sa ‘ting bayang iniirog..
Civic-minded group of women; San Fernando City Council
And the Panlilios join hands to bring back the remains of our heroine,
The exhumation from Loyola was done with joy and drops of tear
Amid the heroic welcome which led to overnight vigil;
Headed by our active Mayor, the remains of yesteryear
Were re-interred in the same yard where she used to play, laugh & dream;
The monument they have built, is, to my mind, so dwarf and nil
As a tribute to her bravery, gallantry… heroism
Katatawlyan kung sambitlan man e miwaglit
King bilungan ning istorya makasulat, mababanggit,
‘Nyang y Luna at Maskardo at parehüng sari bagsik
Misalubung itang mua ra, mibungil la’t misunggalit
Dapot karin king Baculud yang menawat a linapit
Ing bayani tamung Dayrit ketang Luna’ng gagaligit!
Dapat ta’yang parangalan ing aldo nang pangabait
Ing patriatang Fernandina, y Nicolasa P. Dayrit!!
Neng Francisco M. Guinto
Siptyembri 10, 2005
The glorious date, September 10, eighteen hundred seventy four
Ushered the birth of an infant who crowned her town priceless honor,
She was a Florence Nightingale to our comrades in rebellion
She sewed and embroidered the flag of the Pampango Battalion;
As heroes’ blood reigned in her vein she bravely risked her noble soul
To win our independence from the cruel hands of oppressor;
Nicolasa Dayrit would smile to this sacred celebration
If she were only alive today... the heroine whom we adore!
At pablasang lug lipi ra, sapni’t dayang ilustrada
Meragul yang makawili at uliran lug asal na,
Piyanista ya’t migkolehiyu meging “mujer educada”
Pagmaragul ne’t dangalan ding dalagang Fernandina;
Pamaglingap nang gerero at kabas nang Tandang Sora
Seludwan de’t kinwang myembru na ning Junta Patriotica!
Nganang Rizal; “Eya dapat maging Indu ing babai
Nung turwan nyang kamangmangan ing bunsu nang meging suli
At ipande ne pamisip, kareng sermon da ring Prayle
Ba’ya kanung miras king Dios king bie’t aldo bandang tawli;
Paragulan neng mulala ‘lan respetu king sarili
At “masa1ang-matang-bu1ag” kimi, dungu, mataloti!
“Metung a Indung Spartan ya ing dapat tang apusan
Lalu potang mayaus ya ing supling na king labanan,
E ne salikut king saya na nune kusa neng palakwan
Ban kaya yang ipaglwalu... ing karelang Indung Tibwan;
At e bala nung mete ya iti e ne man tangisan
Basta’t ilang mig-victoria... king lagyu ning lamutakan!”
Iyan ang payo ni Rizal minsan noon sa Malolos
Sa mga kababaihan sa kanya ay nakatanghod
Ngunit dito sa Pampanga, dapat lamang niyang matalos
Mga dilag, matatapang, matalino’t takot sa Diyos;
Piping saksi ay si Dayrit kailanma’y di malilimot
Kabayanihang alay niya sa ‘ting bayang iniirog..
Civic-minded group of women; San Fernando City Council
And the Panlilios join hands to bring back the remains of our heroine,
The exhumation from Loyola was done with joy and drops of tear
Amid the heroic welcome which led to overnight vigil;
Headed by our active Mayor, the remains of yesteryear
Were re-interred in the same yard where she used to play, laugh & dream;
The monument they have built, is, to my mind, so dwarf and nil
As a tribute to her bravery, gallantry… heroism
Katatawlyan kung sambitlan man e miwaglit
King bilungan ning istorya makasulat, mababanggit,
‘Nyang y Luna at Maskardo at parehüng sari bagsik
Misalubung itang mua ra, mibungil la’t misunggalit
Dapot karin king Baculud yang menawat a linapit
Ing bayani tamung Dayrit ketang Luna’ng gagaligit!
Dapat ta’yang parangalan ing aldo nang pangabait
Ing patriatang Fernandina, y Nicolasa P. Dayrit!!
SYUDAD SAN FERNANDO
Neng Adrian Lee G. Magcalas
Nung buri meng akit at mayamang pagumasdan
ing SM kabalitan mabilug bansang tibuan
“The longest mall” ngeni titulu ng tatangalan
nanu pa ing panenayan tara na’t bilisan,
munta tamu king syudad ning Balen Kapampangan -
karin king San Fernando, ban lalung kilalanan!
Nung keka yang pantunan lugal detang bibida
“Giant lanterns” king yatu bulalag at kilala
king pamagdulap mu pihung kabalen pelangga
San Fernando ituru ra itang kekang punta
lalu neng bulan pasku manayang mibabata
king sugirang parul - pialben yang mamye sigla.
Makalingwan wari Kapitolyung makapilmi
nung nu makalukluk gobernador a magsilbi
ninu mang mangutang pilmi ing kekang asabi
karin syudad San Fernando alakang kalili
dane wanan - dalan mu karas mu king palengki,
malapit king Cathedral ring pamasadang dyipni.
Syudad San Fernando - ikang sentru ning balen ku
keka manibatan utus probinsyang gubiernu
nung saglawayan mimu kabilyang milabas mu
karing dakal a sulatan, melimbag at libru,
iyabe lapang kutnan detang makudta tamu
sumiro alang kabas mamye ketang kinang mu!
Pabustan me Indung Balen, magdalit ya at magsunis
lug maluka mung poeta karing bersu nang ginulis,
Tagimpan nang pagdulapan; tumula kang e tatangis
At misale karing rosas... at tumaylang sari lambis;
‘Limbang na ka ban sagakgak, ban ‘waglit ing kalmang yawis
Ngening beytan ning bayaning... y Nicolasa P. Dayrit;
Magmasusi keng anak mu kaniang tulang sobra’t lambis
Kambe mug lingnp na’t lugud... Mayor Oscar S. Rodriguez!
Nung buri meng akit at mayamang pagumasdan
ing SM kabalitan mabilug bansang tibuan
“The longest mall” ngeni titulu ng tatangalan
nanu pa ing panenayan tara na’t bilisan,
munta tamu king syudad ning Balen Kapampangan -
karin king San Fernando, ban lalung kilalanan!
Nung keka yang pantunan lugal detang bibida
“Giant lanterns” king yatu bulalag at kilala
king pamagdulap mu pihung kabalen pelangga
San Fernando ituru ra itang kekang punta
lalu neng bulan pasku manayang mibabata
king sugirang parul - pialben yang mamye sigla.
Makalingwan wari Kapitolyung makapilmi
nung nu makalukluk gobernador a magsilbi
ninu mang mangutang pilmi ing kekang asabi
karin syudad San Fernando alakang kalili
dane wanan - dalan mu karas mu king palengki,
malapit king Cathedral ring pamasadang dyipni.
Syudad San Fernando - ikang sentru ning balen ku
keka manibatan utus probinsyang gubiernu
nung saglawayan mimu kabilyang milabas mu
karing dakal a sulatan, melimbag at libru,
iyabe lapang kutnan detang makudta tamu
sumiro alang kabas mamye ketang kinang mu!
Pabustan me Indung Balen, magdalit ya at magsunis
lug maluka mung poeta karing bersu nang ginulis,
Tagimpan nang pagdulapan; tumula kang e tatangis
At misale karing rosas... at tumaylang sari lambis;
‘Limbang na ka ban sagakgak, ban ‘waglit ing kalmang yawis
Ngening beytan ning bayaning... y Nicolasa P. Dayrit;
Magmasusi keng anak mu kaniang tulang sobra’t lambis
Kambe mug lingnp na’t lugud... Mayor Oscar S. Rodriguez!
BALEN SAN FERNANDO
Neng Francisco M. Guinto
A-20 ning Marsu 2003,
Macabebe, Pampanga
Indung Kapampangan – tuki ka saguli
Sangkan tang pasyalan – ing bigang maputi,
Ing gawan tang eran – itang pinanari
King Bunduk Alaya – Karin te ibili,
Kabud pangaras ta – king lulam mikubli
Gawan teng pasinag – bulan a mepisi
Babo ning alapap – lawan mo ila ren
King kutang mekeni – ding dakal a balen,
Oyta sulyapan me at metung ya karen
Balen San Fernando – lugal tang sisesen;
Karing Fernandino – kapisi yang Eden
Migit yang e palak king Troya nang Helen
Uling mibantug ya’t meging paraiso
Pugad ning beitan – Tiburcio Hilario,
Ding mangatapang a Rebolusyonaryo
Mibwal, makipamuk – laban karing lilo
Jose Abad Santos – keng tibe prinsipyo
Makatiman meta…, gamat ding berdugo!!
Supling nang dalaga – mamu la’t matimyas
Anti lang sampagang malasutla punlas,
Hinhin da’t ganak – e mate’t kumupas
Keng ugali’t legwan.., ala lang kapilas,
Ilang minye diwa king pamakilamas
Karing gerero nang – king parang meyapas;
Nicolasa Dayrit – ‘naplak no’t inawat’
‘Di Luna’t Mascardo – ban e la mikaras!!
(1754) (paynawa)
Ketang disisyete singkwenta y kwatro
Mabandi neng lugal – iting San Fernando,
Manuknangan keti – ilig da komersyo
At obra keng gabun – bilang ortelano;
“Bo. Bebe Ilog” – lagyu nang primero
Sakup ding balen Bakulud at Mexico
Uling ing byahing tren – keti ya daralan
Ibat king Menila – papuntang Dagupan
Mabilis milipat – produktu’t kalakal;
Minono’t minulad, indutriyang asukal
Inya ding memalen – kayan da pignasan
Ya’ng mag-Kapitolyu.., San Fernandung tibwan
Pamuntuk nang balen, kambe da ring malda
Inyang 1904 – Karin da pigampa,
Iting San Fernando – belakan dang kusa
Ya’ng mag-Kabisera… king ley rang tikda;
Kabyayan ding tau, lalu pang minawa
Lalu pang minangat… lalung misaplala!!
Anak nang mapuri – bantoug king gelingan
Pamangawang parul – aldo ning kapaskwan,
Keng garbo at lutto, brilyo at sintingan
Ala lang kapara…, insanu mang lugal!
Inya, ‘uli niti, ‘ya ing mibansagan
Mabilug a bansa… ya’ng Xmas Capital
Keng Guiness Book of Records, king bayung bilungan
Atyu’ng San Fernando… at Giant Xmas Star!!
Balita la naman king nyaman at lasa
Gawang Pampanga’s Best – dakal lang mamita,
Ding kayang tosinu at longganisa
Makalare kutis babye rang sustansya;
Inyang payable re – mengasdan dakal la,
Ketang longganisang – kaba: metung milya.
Nung king pamangambul – king Siswang Salita
Apagmaragul na – ning lipi ta’t daya,
Sugi nang opisyal – dit man e sinawa –
Sasagip, sesese…, tikdo ya’t sagiwa,
Ilang mamye diwa – kekaming makudta
Lalu na’t Rodriguez – pengaling ganaka,
Meging lungsud ya’yti – king batas nang Oca,
Inyang Congresman ya – yang megmunikala
Oyan king balen ta! Pilit manibabo
Ing baying bayani’t kulturang Pampango
Ding kayang maragle – bayu lang parnaso
Agyagan do watas…, ban lalang lang verso
Salbagan ye sang rosas ampong liryo
Palsintan tang balen…, Lungsud San Fernando!!
A-20 ning Marsu 2003,
Macabebe, Pampanga
Indung Kapampangan – tuki ka saguli
Sangkan tang pasyalan – ing bigang maputi,
Ing gawan tang eran – itang pinanari
King Bunduk Alaya – Karin te ibili,
Kabud pangaras ta – king lulam mikubli
Gawan teng pasinag – bulan a mepisi
Babo ning alapap – lawan mo ila ren
King kutang mekeni – ding dakal a balen,
Oyta sulyapan me at metung ya karen
Balen San Fernando – lugal tang sisesen;
Karing Fernandino – kapisi yang Eden
Migit yang e palak king Troya nang Helen
Uling mibantug ya’t meging paraiso
Pugad ning beitan – Tiburcio Hilario,
Ding mangatapang a Rebolusyonaryo
Mibwal, makipamuk – laban karing lilo
Jose Abad Santos – keng tibe prinsipyo
Makatiman meta…, gamat ding berdugo!!
Supling nang dalaga – mamu la’t matimyas
Anti lang sampagang malasutla punlas,
Hinhin da’t ganak – e mate’t kumupas
Keng ugali’t legwan.., ala lang kapilas,
Ilang minye diwa king pamakilamas
Karing gerero nang – king parang meyapas;
Nicolasa Dayrit – ‘naplak no’t inawat’
‘Di Luna’t Mascardo – ban e la mikaras!!
(1754) (paynawa)
Ketang disisyete singkwenta y kwatro
Mabandi neng lugal – iting San Fernando,
Manuknangan keti – ilig da komersyo
At obra keng gabun – bilang ortelano;
“Bo. Bebe Ilog” – lagyu nang primero
Sakup ding balen Bakulud at Mexico
Uling ing byahing tren – keti ya daralan
Ibat king Menila – papuntang Dagupan
Mabilis milipat – produktu’t kalakal;
Minono’t minulad, indutriyang asukal
Inya ding memalen – kayan da pignasan
Ya’ng mag-Kapitolyu.., San Fernandung tibwan
Pamuntuk nang balen, kambe da ring malda
Inyang 1904 – Karin da pigampa,
Iting San Fernando – belakan dang kusa
Ya’ng mag-Kabisera… king ley rang tikda;
Kabyayan ding tau, lalu pang minawa
Lalu pang minangat… lalung misaplala!!
Anak nang mapuri – bantoug king gelingan
Pamangawang parul – aldo ning kapaskwan,
Keng garbo at lutto, brilyo at sintingan
Ala lang kapara…, insanu mang lugal!
Inya, ‘uli niti, ‘ya ing mibansagan
Mabilug a bansa… ya’ng Xmas Capital
Keng Guiness Book of Records, king bayung bilungan
Atyu’ng San Fernando… at Giant Xmas Star!!
Balita la naman king nyaman at lasa
Gawang Pampanga’s Best – dakal lang mamita,
Ding kayang tosinu at longganisa
Makalare kutis babye rang sustansya;
Inyang payable re – mengasdan dakal la,
Ketang longganisang – kaba: metung milya.
Nung king pamangambul – king Siswang Salita
Apagmaragul na – ning lipi ta’t daya,
Sugi nang opisyal – dit man e sinawa –
Sasagip, sesese…, tikdo ya’t sagiwa,
Ilang mamye diwa – kekaming makudta
Lalu na’t Rodriguez – pengaling ganaka,
Meging lungsud ya’yti – king batas nang Oca,
Inyang Congresman ya – yang megmunikala
Oyan king balen ta! Pilit manibabo
Ing baying bayani’t kulturang Pampango
Ding kayang maragle – bayu lang parnaso
Agyagan do watas…, ban lalang lang verso
Salbagan ye sang rosas ampong liryo
Palsintan tang balen…, Lungsud San Fernando!!
PANYULUNG NING BUKAS BALIKID KING MILABAS
Neng Adora G. Ferrer
Binye ra pimg paksa kaniting kekayung tanggapan
Ing mayap a oras matwa’t kayanakan,
Karing konsehales kang “Vice” Mayor agman
Kang Mayor Aquino makanyan mu naman
Binye ra pung paksa kaniting basultu
Ala’t e aliwa balen San Fernando,
Kanitang minuna metung nya mung baryu
Ning sikat a balen yapin ing Mexico.
Dapot uli na ning pamisan metung da
Ding taung memalen at mamuntukan pa
Ing mesabing baryu iti minunlad ya
Miganap yang balen sakup mug Pampanga
Emu ken meyari ing kayang panyulung
A bunga na nitang pamisasanmetung
Deting Fernandino a mikaulkaul
Karelang kabyayan lalu pang sinulung
Ding myaliwang balen keti la pupunta
Magdalang kalakal karelang titinda,
Inya ing milyari mabilug Pampanga
Keti re telakad ing KAP1TOLYO na
Uling mayayakit ingtune progresu
Mitalakad larin myaliwang komersyu,
Anti ing gilingan gagawang mayumu
Ala’t e aliwa sentral PASUDECO
Dakal la mu namang iskwelang telakad
Ban tuklas kabvasnan deting kayang anak,
Uling ing panyulung kayabe ne’t sangkap
Ing metung a balen bayang lalung munlad.
Dapot ing pagsubuk daratang nung misan
Tan ban mayakit tune nang tetagan,
Inyang mamakbung ya pinatubung bulkan
King labuk at danum yan kayang timbunan.
Deting Fernandino kanita meyakit
Lugud daking balen ampon malasakit
Misawup-sawup la at tinabing pilit
Ing labuk at danum a babye pasakit.
Pilan murin banwang malilyari iyan
Lalbug San Fernando nung datang ing uran
Dapot ding memalen ela mitakutan
Inarap da iti king mitmung tetagan
King pamanimuna nang Mayor Aquino
Kambe ding konsehal ating bisi tamu,
Agyang dinatang man mesabing delubyu
Ero pu gilutan ding sakup dang tau
Sumangid na niti misanmetung lapa
Balen San Fernando ban pasulungan ya
Oyan akakit yu iting panunlad na
Ganap ne pung syudad ngeni king Pampanga
Mamupus na ku pu ing kanakung adwan
Palakpakan tala deting manungkulan,
Sablang konsehales I “Vice” Mayor Lagman
I Mayor Aquino subuk king sipagan
Ing bili ning Mayor misna ne kasampat
Ngana abutan ya PANYUJLUNG NING BUKAS,
Kaniting panlakad ban eta misakab
E kakalingwan BALIKID KING MILABAS
Binye ra pimg paksa kaniting kekayung tanggapan
Ing mayap a oras matwa’t kayanakan,
Karing konsehales kang “Vice” Mayor agman
Kang Mayor Aquino makanyan mu naman
Binye ra pung paksa kaniting basultu
Ala’t e aliwa balen San Fernando,
Kanitang minuna metung nya mung baryu
Ning sikat a balen yapin ing Mexico.
Dapot uli na ning pamisan metung da
Ding taung memalen at mamuntukan pa
Ing mesabing baryu iti minunlad ya
Miganap yang balen sakup mug Pampanga
Emu ken meyari ing kayang panyulung
A bunga na nitang pamisasanmetung
Deting Fernandino a mikaulkaul
Karelang kabyayan lalu pang sinulung
Ding myaliwang balen keti la pupunta
Magdalang kalakal karelang titinda,
Inya ing milyari mabilug Pampanga
Keti re telakad ing KAP1TOLYO na
Uling mayayakit ingtune progresu
Mitalakad larin myaliwang komersyu,
Anti ing gilingan gagawang mayumu
Ala’t e aliwa sentral PASUDECO
Dakal la mu namang iskwelang telakad
Ban tuklas kabvasnan deting kayang anak,
Uling ing panyulung kayabe ne’t sangkap
Ing metung a balen bayang lalung munlad.
Dapot ing pagsubuk daratang nung misan
Tan ban mayakit tune nang tetagan,
Inyang mamakbung ya pinatubung bulkan
King labuk at danum yan kayang timbunan.
Deting Fernandino kanita meyakit
Lugud daking balen ampon malasakit
Misawup-sawup la at tinabing pilit
Ing labuk at danum a babye pasakit.
Pilan murin banwang malilyari iyan
Lalbug San Fernando nung datang ing uran
Dapot ding memalen ela mitakutan
Inarap da iti king mitmung tetagan
King pamanimuna nang Mayor Aquino
Kambe ding konsehal ating bisi tamu,
Agyang dinatang man mesabing delubyu
Ero pu gilutan ding sakup dang tau
Sumangid na niti misanmetung lapa
Balen San Fernando ban pasulungan ya
Oyan akakit yu iting panunlad na
Ganap ne pung syudad ngeni king Pampanga
Mamupus na ku pu ing kanakung adwan
Palakpakan tala deting manungkulan,
Sablang konsehales I “Vice” Mayor Lagman
I Mayor Aquino subuk king sipagan
Ing bili ning Mayor misna ne kasampat
Ngana abutan ya PANYUJLUNG NING BUKAS,
Kaniting panlakad ban eta misakab
E kakalingwan BALIKID KING MILABAS
SAN FERNANDO
Neng Virgilio P. Calilung
Julyu 17, 2008
Pilatan ding adwang balen ing Baculud at Mexico
King panawun a minuna awsan deng Sto. Rosario,
Migagap lang alilan de lagyung San Fernando
Iti kabud inyang petsang disisyeti doble singko (1755).
Tawling also ning Agostu disiyeti sitenta’y singko (Aug. 31, 1755)
Pemarangal neng pigkalub ketang Ari rang Fernando,
‘tang opisyal a Kastila ing kaburian na yang linto
Makanyan ya pangabura ing balen Sto. Rosario.
Ketang año disisyeti nobenta’y seis kanita (1796)
Latnag binsagan dang Culiat katuglung at sakup ne pa,
‘nyang disiotsu beynti-nwebi (1829) misagsag at miwale la
Meging balen ya’ng Angeles—mikawani no kanita.
Linakad a panawun labing walung dalan a banwa
Ketang bili rang alipan migdusa lang mibabata,
Menasa lang ortelano, negosyante ketang bie ra
Dit man ela milaya inigpit do king kultura.
King kekaban ning panawun miaregla neng gubyernu
Mikalaya nong sisimba magaral ding Pilipinu
At mamuisan no kanita alang tutul lang mamintu
Apundar deng e’ misundu itang telakad dang tramu.
Disiotsu nobenta’y otso (1898) mapalad lang Amerikanu
Ketang dimut a panawun akamkam de ing gubyernu
Ing kayapan da’t gelingan tengalan ding Pilipinu
Makanyan lang misun a lub king bigla rang panasensu.
Kanita sindu rang gewa itang tramung atmung kaba
Temakan neng San Fernando king linyang ibat Menila,
Ketang disinwebi kwatro (1904) meyari ya panga-gawa
Sidsad deng anggang Dagupan—ding maganakang banyaga.
Kanita ne mitaluktuk king negosyo’ng San Fernando
Kambe na pang telakad de karin itang Pasudeco,
‘nya tingad nang masampat Gobernador M. Armedo
Ya ing dapat mag-CAPITAL king datang a ‘tawling aldo.
Agyang naman nang usisan e ‘mapigil ing nasa na
King bista’t dakal lang tutul ketang payu na kokontra,
Belawus nang ilipat ne kapitolyo at iskwela
Ing balen ning San Fernando ya nang meging kabisera.
Metung pa keng dinalakit a ‘tinuki San Fernando
Ing pangamat ding Baculud karing parol menimbentu,
Inyang pigmulan dong gewa kanitang año disiotsu
Lilimbun dong puprusisyun siyam a ‘aldo bayu Pasku.
Migit lalu nong bulalag angga king panawun ngeni
Mapda’t sunlag lang kikilim king panaslag da neng bengi,
‘Nya sa’t ninu ya mang tangal malsinta ya at mawili
Lalo na reng king ligligan awsan dong parul iganti.
Karin king Paskuhan Village, magaganap ing ligligan
Uling karin atmung lwalas mipagyu lang taong dakal
‘ting ‘lukano at Bisaya, Tagalug at Kapampangan
At dakal lang Amerikano—maglitrato keng labanan.
At dakal pa ring mumunlad negosyo king kasalukuyan
Mengari king sambitlan kng tosinung sari kanyaman,
Ding Bisaya’t Ilokanu, Tagalug at Kapampangan
Aldo-aldo lang mamakyo--- patakman dong e’ pautang.
Atin pang lalung masali king negosyu nang Lolita
Tutung kapad dang sasalwan deng kalulu at makwalta,
Eya sayang ing pera mu nung sali kang longganisa
Uling sidsad la kanyaman—ukulan kung bias ka pa.
Tutung dakal ne sinulung ing siyudad ning San Fernando
Iti mekad atiya ngan king gamat ding pulitiku,
Antimo’y Oca Rodriguez e’ payugut neng yareglu
King ban sumangid ning bie na--- luguran de pa ring tau!!
Julyu 17, 2008
Pilatan ding adwang balen ing Baculud at Mexico
King panawun a minuna awsan deng Sto. Rosario,
Migagap lang alilan de lagyung San Fernando
Iti kabud inyang petsang disisyeti doble singko (1755).
Tawling also ning Agostu disiyeti sitenta’y singko (Aug. 31, 1755)
Pemarangal neng pigkalub ketang Ari rang Fernando,
‘tang opisyal a Kastila ing kaburian na yang linto
Makanyan ya pangabura ing balen Sto. Rosario.
Ketang año disisyeti nobenta’y seis kanita (1796)
Latnag binsagan dang Culiat katuglung at sakup ne pa,
‘nyang disiotsu beynti-nwebi (1829) misagsag at miwale la
Meging balen ya’ng Angeles—mikawani no kanita.
Linakad a panawun labing walung dalan a banwa
Ketang bili rang alipan migdusa lang mibabata,
Menasa lang ortelano, negosyante ketang bie ra
Dit man ela milaya inigpit do king kultura.
King kekaban ning panawun miaregla neng gubyernu
Mikalaya nong sisimba magaral ding Pilipinu
At mamuisan no kanita alang tutul lang mamintu
Apundar deng e’ misundu itang telakad dang tramu.
Disiotsu nobenta’y otso (1898) mapalad lang Amerikanu
Ketang dimut a panawun akamkam de ing gubyernu
Ing kayapan da’t gelingan tengalan ding Pilipinu
Makanyan lang misun a lub king bigla rang panasensu.
Kanita sindu rang gewa itang tramung atmung kaba
Temakan neng San Fernando king linyang ibat Menila,
Ketang disinwebi kwatro (1904) meyari ya panga-gawa
Sidsad deng anggang Dagupan—ding maganakang banyaga.
Kanita ne mitaluktuk king negosyo’ng San Fernando
Kambe na pang telakad de karin itang Pasudeco,
‘nya tingad nang masampat Gobernador M. Armedo
Ya ing dapat mag-CAPITAL king datang a ‘tawling aldo.
Agyang naman nang usisan e ‘mapigil ing nasa na
King bista’t dakal lang tutul ketang payu na kokontra,
Belawus nang ilipat ne kapitolyo at iskwela
Ing balen ning San Fernando ya nang meging kabisera.
Metung pa keng dinalakit a ‘tinuki San Fernando
Ing pangamat ding Baculud karing parol menimbentu,
Inyang pigmulan dong gewa kanitang año disiotsu
Lilimbun dong puprusisyun siyam a ‘aldo bayu Pasku.
Migit lalu nong bulalag angga king panawun ngeni
Mapda’t sunlag lang kikilim king panaslag da neng bengi,
‘Nya sa’t ninu ya mang tangal malsinta ya at mawili
Lalo na reng king ligligan awsan dong parul iganti.
Karin king Paskuhan Village, magaganap ing ligligan
Uling karin atmung lwalas mipagyu lang taong dakal
‘ting ‘lukano at Bisaya, Tagalug at Kapampangan
At dakal lang Amerikano—maglitrato keng labanan.
At dakal pa ring mumunlad negosyo king kasalukuyan
Mengari king sambitlan kng tosinung sari kanyaman,
Ding Bisaya’t Ilokanu, Tagalug at Kapampangan
Aldo-aldo lang mamakyo--- patakman dong e’ pautang.
Atin pang lalung masali king negosyu nang Lolita
Tutung kapad dang sasalwan deng kalulu at makwalta,
Eya sayang ing pera mu nung sali kang longganisa
Uling sidsad la kanyaman—ukulan kung bias ka pa.
Tutung dakal ne sinulung ing siyudad ning San Fernando
Iti mekad atiya ngan king gamat ding pulitiku,
Antimo’y Oca Rodriguez e’ payugut neng yareglu
King ban sumangid ning bie na--- luguran de pa ring tau!!
Subscribe to:
Posts (Atom)
